د افغاني سرې میاشتې سرپرست عمومي رئیس په افغانستان کې د نړیوال فدراسیون له سرپرست او د فنلینډ د سره صلیب له سیمه ییز مسئول سره وکتل!
د افغاني سرې میاشتې سرپرست عمومي رئیس په افغانستان کې د نړیوال فدراسیون له سرپرست او د فنلینډ د سره صلیب له سیمه ییز مسئول سره وکتل!
نن چهارشنبه د رمضان میاشتې پر ۱۹مه، د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور په خپل کاري دفتر کې په افغانستان کې د نړیوال فدراسیون له سرپرست ښاغلي احمد سلیمان او د فنلینډ د سره صلیب له سيمه ييز مسئول ښاغلي جوین ریس سره له افغاني سرې مياشتې د ملاتړ او یو لړ نورو موضوعاتو په موخه ناسته وکړه.
ناسته کې سرپرست عمومي رئیس د فنلینډ هېواد د سره صلیب له تېرو همکاریو او مرستو څخه مننه وکړه او د افغاني سرې میاشتې له لوري اړمنو او بې سرپرسته وګړو ته د روغتیايي او پېښځپلو ته د طبيعي او غیرې طبيعي پېښو پر مهال د ترسره کېدونکو خدماتو په تړاو تفصیلي معلومات وړاندې کړل.
همدا راز ښاغلي دلاور لیدنه کې یادو مسئولینو څخه له بهرنيو هېوادونو راستنېدونکو کډوالو ته په بېلابېلو برخو کې د بېړنیو مرستو برابرولو، د سوري زړه لرونکو ماشومانو او په رواني ناروغيو د اخته وګړو د درملنې او لاسنيوي برخه کې د همکاریو غوښتنه وکړه.
ورپسې د نړیوال فدراسیون سرپرست او د فنلینډ هېواد د سره صلیب مسئول په خپلو خبرو کې اړمنو او پېښځپلو ته د افغاني میاشتې له لوري ترسره کېدونکي خدمات او فعاليتونه اغېزمن وبلل او د راستنېدونکو کډوالو د لاسنیوي، د سوري زړه پر ناروغۍ د اخته او رواني ناروغانو د درملنې برخه کې یې د همکارۍ سربیره راتلونکې کې د مرستو د پراختیا ډاډ څرګند کړ.
