د افغاني سرې میاشتې سرپرست سکرتر جنرال ددې خيریه ملي ټولنې له کاري شریکانو سره وکتل!

arcs_website_admin
پنجشنبه ۱۴۰۴/۱۲/۳۰ - ۱۶:۲۳
خبرونه

د افغاني سرې میاشتې سرپرست سکرتر جنرال ددې خيریه ملي ټولنې له کاري شریکانو سره وکتل!
نن پنجشنبه د رمضان میاشتې پر ۲۰مه، د افغاني سرې میاشتې سرپرست سکرتر جنرال ښاغلي مولوي روح الله عبدالسلام او د نوموړي مرستیالانو د افغاني سرې میاشتې له يو شمېر کاري شریکانو ( نړيوال فدراسيون، قطر، ترکيې، ډنمارک او ناروې ملي ټولنو) سره له ګاونډيو هېوادونو راستنېدونکو کډوالو ته د روغتیایي خدماتو وړاندې کولو ترڅنګ د خوراکي او غیرې خوراکي توکو د برابرولو په موخه ناسته وکړه.
ناسته کې د افغاني سرې میاشتې سرپرست سکرتر جنرال په خپلو څرګندونو کې د کاري شریکانو د غوره همغږۍ، اغېزمنو او اوږد مهاله همکاریو څخه مننه وکړه او له افغاني سرې میاشتې سره یې د ناچاره او بې وسه وګړو د لاسنیوي برخه کې د دوی مرستې مهمې وبللې. 
دا راز نوموړي له کاري شریکانو څخه افغانستان ته د راستنېدونکو کډوالو کورنیو له رارسېدو سره سم هغوی ته د پخو خوړو، د څښاک لپاره د اوبو برابرولو، خپلو سیمو ته د لېږد، سرپناه چمتو کولو او راتلونکي کې د هغوی د ځان بسياینې په موخه د ځينو مهمو پروګرامونو برابرولو غوښتنه وکړه. 
ورپسې کاري شریکانو په خپلو څرګندونو کې د ګډو فعاليتونو او خدماتو په ترسرکولو کې همغږي او همکاري اغېزمنه وګڼله او په بېلابېلو برخو کې یې د همکاریو او ملاتړ ژمنې وکړې.

تازه خبرونه

یکشنبه ۱۴۰۴/۳/۲۵ - ۱۰:۴۳
Background image

نيمروز ولایت کې ٢٠٥ تنه زده کوونکو ته ښوونیز خدمات

د ‎افغاني سرې میاشتې اړوند د نيمروز ولایت د ځوانانو او رضاکارانو ښوونیز مرکز کې د تېرو ۳ میاشتو په ترڅ کې ٢٠٥ تنه زده کوونکو ته د اسلامي ښوونې، سیرت النبي، لیک لوست، ریاضي، انګلیسي او. . .

شنبه ۱۴۰۴/۳/۲۴ - ۱۴:۴۶
Background image

د بېلابېلو رغنیزو چارو په موخه د داوطلبۍ دوه ناستې وشوې

شنبه، ۱۷ ذوالحجه ۱۴۴۶
د افغاني سرې میاشتې په مرکزي دفتر کې د نورستان نمایندګۍ ریاست د مېلمستون ودانۍ د انګړ دېوال او کاپيسا ولایت نمایندګۍ د ځوانانو او رضاکارانو د ښوونیز مرکز د انګړ. . .

جمعه ۱۴۰۴/۳/۲۳ - ۱۵:۵۸
Background image

پنجشېر ولایت کې پر ٨٠ بېرونیو مشمولینو کورنیو نغدي مرسته ووېشل شوه

جمعه، ۱۶ ذوالحجه ۱۴۴۶
د افغاني سرې میاشتې سرپرست عمومي رئیس شیخ‌الحدیث شهاب‌الدین دلاور، پنجشير ته په خپل رسمي سفر کې د یاد ولایت د نمایندګۍ په ریاست کې پر ۸۰ بېرونیو مشمولینو کورنیو د. . .

BACK TO NEWS