دمهاجرينو لپاره د ناروې بنسټ (NRC ) له لورې افغاني سرې میاشتې سره د روغتيايي توکو او ۴ کانټینرو مرسته وشوه!
افغاني سرې میاشتې د هېواد په ۳۴ ولایتونو کې فرعي کلینیکونه رامنځ ته کړي؛ ترڅو اړمنو هېوادوالو ته روغتیایي خدمات وړاندې کړي، اړمنو هېوادوالو ته د لا غوره روغتیایي خدمتونو وړاندې کولو په موخه د ربیع الاول پر لومړۍ نېټه د افغاني سرې مياشتې د هلو ځلو په نتيجه کې NRC مؤسسې له افغاني سرې میاشتې زابل نمایندګۍ سره د څلورو کانټينرو او یو شمېر نورو رغتیایي توکو مرسته ترسره کړه.
په مرسته شویو توکو کې؛ ۲ د نسایي ولادي سیټونه، ۲ د پانسمان سیټونه، یوه د فشار آله، درې څوکۍ، درې د لمريزې برېښنا هندارې او درې د هوا کولرې شامل وو.
یاد تجهیزات او توکي د زابل ولایت مرکز د نوخیز او د شاجوی ولسوالۍ د خاکې کلیو په فرعي کلینیکونو ځاى پر ځاى او ګټې اخستنې ته وسپارل شو. افغانې سره مياشت تر خپلې وسې دهيوادوالو خدمت ته ژمنه ده.
