بامیان او زابل کې پر راستنېدونکو کډوالو کورنیو د غیر خوراکي توکو مرسته ووېشل شوه
سېشنبه، ۱۱ صَفَر ۱۴۴۷
د افغاني سرې میاشتې له لوري د بامیان ولایت د راستنېدونکو کډوالو په پنډغالي کې پر ۱۹ تازه راستنو شوو کډوالو کورنیو د غیر خوراکي توکو مرسته ووېشل شوه، چې په کې هرې کورنۍ ته پنځه کمپلې، یو ترپال، د پخلنځي توکو یو سیټ او یوه د اوبو بوشکه ورکړل شوه. همداراز، د زابل ولایت په مرکز قلات کې هم پر ۲۰۰ کډوالو کورنیو ۱۰۰۰ کمپلې ووېشل شوې، چې هرې کورنۍ ته پنځه کمپلې ورکړل شوې.
ددې مرستو موخه د راستنو شوو کډوالو د ژوندانه لومړنیو اړتیاوو پوره کول او د هغوی د ستونزو راکمول دي.
