افغاني سرې میاشتې کابل ولایت کې ۵۰۰ اړمنو کورنیو سره مرسته ترسره کړه!
افغاني سرې میاشتې د خپلو بشرپالو مرستو په لړ کې د صفرالمظفر پر ۲۶مه د کابل ولایت ۵۰۰ سروې شویو اړمنو کورنیو سره د خوراکي توکو مرسته ترسره کړه.
یاده مرسته کې چې د هرې کورنۍ لپاره ۱۰۰ کیلو اوړه، ۲۴.۵ کیلو وریژې،۱۰ لیتره غوړي، ۸ کیلو لوبیا، یوه کیلو شین چای، ۲ پاکټه مالګه، ۵ کیلو بوره او یو پاکټ bp5 بیسکیټ شامل وو؛ د کابل مرستون په انګړ کې د ترکیې د سرې میاشتې د مالي مسوول؛ ښاغلي اتیلاچتینر او یو شمېر نورو همکارانو په شتون کې ووېشل شوه.
