افغاني سرې میاشتې مرستیال د ترکیې هېواد د جان سیو خیریه بنسټ له پلاوي سره په خپل کاري دفتر کې ولیدل!
نن د ذوالقعدې پر ۱۵مه د افغاني سرې میاشتې مرستیال ملا نورالدین ترابي د ترکیې هېواد د جان سیو خیریه بنسټ له پلاوي سره په خپل کاري دفتر کې ولیدل. یاده لیدنه کې له افغانستان سره پر بشري مرستو او په میدان وردګ ولایت کې ۳۰۰ کورنیو ته د یو میلیون افغانیو پر نغدي ویش خبرې وشوې.
د افغاني سرې میاشتې مرستیال یاد خیریه بنسټ ته ډاډ ورکړ، چې د دوی مرستې به په افغانستان کې په پوره شفافیت ویشل کېږي. په پای کې له دواړو لوریو توافق وشو، چې د خپلمنځي همکاریو په موخه به دوه اړخیز تړون ته لار برابروي.
