ارزګان
د روان سخت ژمي په درشل کې نن جمعه، د جمادی الاولی په ۱۵مه د افغاني سرې میاشتې له لورې د بشري مرستو پر دوام د ارزګان ولایت مرکز ترینکوټ کې ۴۰ اړمنو کورنیو ته د خوراکي توکو مرسته وویشل شوه. په یاده مرسته کې هرې کورنۍ ته؛ ۱۰۰ کیلو اوړه، ۲۴.۵ کیلو وریجې، ۱۰ لیتره غوړي، ۸ کیلو لوبیا، ۵ کیلو بوره، ۱ کیلو چای، ۲ کیلو مالګه او یو پاکټ BP5 بسکوټ شامل وو. د یادونې وړ ده چې تیره ورځ هم د افغاني سرې میاشتې له لورې د یاد ولایت په مرکز کې ۴۵۰ بیوزله او اړمنو کورنیو ته د خوراکي توکو مرسته ويشل شوى وه.
