خوست؛ ۱۳۱ داخلي بېځایه شوې کورنۍ د غیر خوراکي توکو له مرستې برخمنې شوې
یکشنبه، ۷ ذو الحجه ۱۴۴۷
د افغاني سرې میاشتې له لوري د خوست ولایت په ګربزو ولسوالۍ کې ۱۳۱ داخلي بېځایه شوې کورنۍ د غیر خوراکي توکو له مرستې برخمنې شوې.
یاده مرسته د نړیوال سره صلیب له لوري چمتو شوې وه، چې له مخې یې هرې کورنۍ ته یوه خېمه، ۲ ترپالونه، ۲ سطلونه، ۱ د اوبو تشت، ۱ د روغتیا ساتنې بسته، ۱ لمریز څراغ، ۱ د اوبو بوشکه او یو شمېر نور اړین توکي ورکړل شول.
تمه ده، چې یاد توکي به د دغو کورنیو د لومړنیو اړتیاوو په پوره کولو او د ژوند د ستونزو په راکمولو کې اغېزمن تمام شي.
افغاني سره میاشت د بېړنیو او غیر خوراکي مرستو له لارې هڅه کوي د زیانمنو کورنیو د سرپناه او ورځنیو اړتیاوو په پوره کولو کې رغنده رول ولوبوي.
