ميدان وردګ کې ۱۹۷ سيلاب ځپلو کورنيو سره د افغاني سرې مياشتې له لوري مرسته وشوه
نن د روان ۱۴۰۰ لمریز کال د مرغومي پر ۲۲مه د ميدان وردگ ولايت په نرخ ولسوالۍ کې ۱۹۷ سيلاب ځپلو کورنيو سره د نړيوال فدراسیون د DREFF پروژې له مخې هرې کورنۍ اته ۸ قلمه خوراکي توکي وویشل شول.
په یاده ۸ قلمه خوراکي مرسته کې ۵۰ کیلو اوړه، ۲۴.۵ کیلو وریژې، ۷ کیلو لوبیا، ۵ کیلو بوره، ۲ کیلو مالګه، ۱ کیلو چای، یوه قطعۍ BP۵ بسکوټ او ۱۰ لیتره غوړي شتون لري.
ددې تر څنګ ۱۳ قلمه غیر خوراکي مواد هم وویشل شول، چې په کې ۷ کمپلې، ۲ ترپال، ۱ ديګ بخار، ۱ ديګ، ۱ چاقو، ۱ څمڅۍ، ۵ قابونه، ۵ کاسې، ۵ قاچوغې، ۱ دسترخوان، ۱ د اوبو سطل او ۲ د اوبو بوشکې شاملې دي. همدا ډول یو هایجن کیټ هم په مرسته کې وویشل شو.
د یادې مرستې پر مهال د افغاني سرې میاشتې د سویل لویدیځ زون رییس مولوي الیاس خېل ناصري وویل، چې دوی په پام کې لري، چې په څو ورځو کې دننه به ۱۰۳ نورو سېلاب ځپلو کورنیو ته هم په میدان وردګ کې یاده مرسته وویشي.
