پنجشېر ولایت کې د افغاني سرې میاشتې له لوري د مرستو شمېر ۱۸۰۰ کورنیو ته ورسېد!
په یوه اونۍ کې په پنجشېر ولایت کې د افغاني سرې میاشتې له لوري وروستیو جګړو زیانمنو کړو او بې سرپرسته کورنیو ته د مرستو شمېر ۱۸۰۰ کورنیو ته ورسېد.
په دې ولایت کې نن په رُخه ولسوالۍ کې ۶۰۰ تنو ته مرسته وویشل شوه. له دې څو ورځې وړاندې په پریان ولسوالۍ کې هم ۶۰۰ جګړو زیانمنو کړو او بې سرپرسته کورنیو ته او په آبشار ولسوالۍ کې هم ۶۰۰ جګړو زیانمنو کړو او بې سرپرسته کورنیو ته د افغاني سرې میاشتې له لوري مرسته ویشل شوې وه. په یاده مرسته کې هرې کورنۍ ته ۵۰ کیلو اوړه، ۲۴.۵ کیلو وریژې، ۱۰ لیتره غوړي، ۵ کیلو بوره، ۷ کیلو لوبیا، ۱ کیلو شین چای، ۳ کیلو مالګه او ۱ پاکټ BP5 بکسټ شامل دي..
د یادولو وړ ده، چې په یادو ولسوالیو کې له وروستیو پېښو وروسته دا لومړی ځل و، چې له ټولو خیریه ټولنو لومړی د افغاني سرې میاشتې له لوري مرسته وویشل شوه.
