د هلمند، ارزګان او کابل نماینده ګیو ته د خوراکي او غیر خوراکي توکو مرستې واستول شوې!
نن د ۱۴۰۰ لمریز کال د لیندۍ پر ۲مه د افغاني سرې میاشتې ټولنې له لوري د ۱۲۱۹۴۹۰۷ افغانیو په ارزښت خوراکي او غیر خوراکي توکي او د حفظ الصحه هایجن کېټونه د هلمند، ارزګان او کابل ولایتونو نماینده ګیو ته واستول شول.
د افغاني سرې میاشتې سرپرست عمومي رییس مولوي مطيع الحق خالص د یادو ولایتونو نمایندګیو ته د مذکورو توکو د لېږد پر مهال وویل، چې "د خوښۍ ځای دی چې افغاني سره میاشت له هېوادوالو سره بشري مرستې کوي، خو دا مرستې زمونږ هېوادوالو ته بسنه نه کوي؛ زه له ټولو درنو شتمنو هېوادوالو هیله او غوښتنه کوم، چې په خپلو مرستو د افغاني سرې میاشتې ملاتړ وکړي ترڅو وکولای شوو د هېواد ګوټ ګوټ ته مرستې ورسوو".
د یادولو وړ ده، چې په دې لېږل شوې مرسته کې د هلمند ولایت نماینده ګۍ ته ۱۷۱ د پخلنځي سيټونه، ۱۳۲۳ تختې کمپلې، ۲۹ تختې ترپالونه؛ د ارزګان ولایت نماینده ګۍ ته ۳۱۶ بابه خیمې، ۲۵ تختې کمپلې او د کابل ولایت نمایندګۍ ته ۶۰۰ کارتنه درې قلمه او پنځه قلمه خوراکي توکي او همدا راز ۲۲۰۰ حفظ الصحه هایجن کېټونه د وېش په موخه واستول شول.
