د سرې میاشتې سرپرست رییس مولوي مطیع الحق خالص د رییس الوزرا له دویم مرستیال محترم ملا عبدالسلام حنفي سره لیدنه ترسره کړه!
نن له ماسپښین وروسته د سرې میاشتې سرپرست رییس مولوي مطیع الحق خالص د افغانستان اسلامي امارت د رییس الوزرا له دویم مرستیال محترم ملا عبدالسلام حنفي سره لیدنه ترسره کړه. دغه لیدنه چې د سرې میاشتې پر اړوندو موضوعاتو متمرکزه وه؛ په کې سرې میاشتې ته په ور پېښو ستونزو او د ستونزو پر حل خبرې وشوې.
د رییس الوزرا دویم مرستیال محترم ملا عبدالسلام حنفي ژمنه وکړه، چې د سرې میاشتې ټولو ستونزو ته به د حل لاره مومي او د ښه فعالیت لپاره به یې لاره هواروي.
د سرې میاشتې سرپرست رییس مولوي مطیع الحق خالص له ښاغلي ملا عبدالسلام حنفي مننه وکړه، چې د سرې میاشتې د ستونزو د جدي حل ژمنه یې وکړه.
