د افغاني سرې میاشتې ټولنې سرپرست رئیس ډاکتر نیلاب مبارز د ناروې سره صلیب له سکرترجنرال سره وکتل!
د افغاني سرې میاشتې ټولنې سرپرست رئیسې آغلې دوکتور نیلاب مبارز د سکرترجنرال د مرستیال ښاغلي ډاکتر محد نبي برهان په شتون کې د روان ۱۴۰۰ لمریز کال د وري پر ۱۹ نیټه د ناروې هیواد د سره صلیب له سکرترجنرال ښاغلي بیرنت اپیلند سره په خپل کاري دفتر کې وکتل.
په دغه کتنه کې د ملې ټولنې سرپرستې، ښاغلي اپیلند ته د ښه راغلاست ترڅنګ، د افغاني سرې میاشتې ټولنې سره د ناروې سره صلیب له همکاریو مننه و کړه او د بشرپاله مرستو په تر سره کولو کې یې د یادو بنسټونو تر منځ د همکاریو پر لا پراختیا ټینګار وکړ.
بل پلو د ناروې د سره صلیب سکرترجنرال، د افغاني سرې میاشتې ټولنې سرپرست رېیسې آغلې ډاکتر نیلاب مبارز ته د بشري ناخوالو په را کمولو او د اړمنو وګړو په لاسنیوي کې د ناروې سره صلیب د مرستو له دوام ډاډ ورکړ.
ورپسې د افغاني سرې میاشتې تولنې سرپرست ریسې آغلې مبارز او د ناروې سره صلیب سکرترجنرال ښاغلي بیرنت اپیلند د کابل مرستون له بیلا بیلو برخو او همدارنګه د سرې میاشتې له مشعل بیات لیسې څخه لیدنه وکړه.
د یادونې وړ ده چې د ناروي هیواد سور صلیب د افغاني سرې میاشتې تولنې یو له غوره همکارانو څخه دی، چې تل یې د بشري کړاو په کمښت او د اړمنو وګړو په لاسنیوي کې له افغاني سرې میاشتې ټولنې سره مرسته کړې ده.
