‏نن یکشنبه د ربیع الأول د میاشتې پر ۵مه، د افغاني سرې میاشتې مرکزي دفتر کې د اطلاعاتو او خپرونو د ریاست اړوند د ۳۴ولایتونو نشراتي مدیرانو ته د رسنیز بحران يا ناورین تر عنوان لاندې د ظرفیت لوړونې څلور ورځنی ورکشاپ پيل شو.

arcs_website_admin
یکشنبه ۱۴۰۳/۶/۱۸ - ۱۱:۰
خبرونه

‏نن یکشنبه د ربیع الأول د میاشتې پر ۵مه، د افغاني سرې میاشتې مرکزي دفتر کې د اطلاعاتو او خپرونو د ریاست اړوند د  ۳۴ولایتونو نشراتي مدیرانو ته د رسنیز بحران يا ناورین تر عنوان لاندې د ظرفیت لوړونې څلور ورځنی ورکشاپ پيل شو.
د یاد ورکشاپ پرانيسته کې د افغاني سرې میاشتې سرپرست .عمومي رئیس ښاغلي شیخ الحدیث شهاب الدین دلاور په خپلو خبرو کې د نشراتو پر اهمیت او دې برخه کې د نشراتي مدیرانو پر مسئولیت هر اړخيزه وینا وکړه، نوموړي وویل: حقيقي نشرات د يوې ټولنې د ارام او سکون لامل ګرځي او د یوې ادارې په فعاليتونو کې پراختیا رامنځ ته کوي.
ښاغلي دلاورزیاته کړه، چې موږ ته د مظلوم ملت د لاسنیوي په برخه کې یو ستر مسئولیت راجع دی او هر مسؤل کس مکلف دی چې خپله ورسپارل شوې دنده په ښه شکل ترسره کړي.
ورپسې د افغاني سرې میاشتې د خپرونو او اطلاعاتو رئیس مولوي مدثر همراز د یاد ورکشاپ اهداف او موخې په مختصر ډول ګډونوالو ته وړاندې کړې او له دوى يې وغوښتل چې د روزنيز ورکشاپ اړونده موضوعات په دقت او پوره پام سره واوري او زده کړي.
یاد ورکشاپ کې به ګډونوالو ته له رسنیز بحران سره د مبارزې په برخه کې د عملي او نظري معلوماتو د ورکړې تر څنګ کارکوونکو ته د کار  پر مهال د را منځته کېدونکو ستونزو د حل لارو په تړاو هر اړخيزې او اړینې لارښوونې وړاندې شي.

تازه خبرونه

سه‌شنبه ۱۴۰۵/۸/۲۶ - ۶:۳۴
Background image

کندهار؛ پر ۵۰۰ زیانمنو کورنیو ۷.۵ میلیونه افغانۍ نغدي مرسته ووېشل شوه

دوشنبه، ۵ جمادی الآخره ۱۴۴۸

د افغاني سرې میاشتې له لوري د کندهار ولایت په سپین بولدک ولسوالۍ کې د جګړو له امله پر ۵۰۰ زیانمنو کورنیو ۷.۵ میلیونه افغانۍ نغدي مرسته ووېشل شوه.

دغه مرسته. . .

سه‌شنبه ۱۴۰۵/۸/۲۶ - ۵:۴۹
Background image

پروان؛ ۴۰ رضاکارانو ته د روغتیايي خدمتونو اووه ورځنی روزنیز ورکشاپ پای ته ورسېد

دوشنبه، ۵ جمادی الآخره ۱۴۴۸

د افغاني سرې میاشتې له لوري د پروان ولایت په کوه صافي ولسوالۍ کې ۴۰ نارینه او ښځینه رضاکارانو ته د روغتیايي خدمتونو اووه ورځنی روزنیز ورکشاپ د تصدیق پاڼو په. . .

سه‌شنبه ۱۴۰۵/۸/۲۶ - ۴:۴۶
Background image

کابل؛ یوناما له افغاني سرې میاشتې سره د بشري او روغتیايي همکاریو د پراختیا لپاره د همغږۍ پر دوام ټینګار وکړ

دوشنبه، ۵ جمادی الآخره ۱۴۴۸

د افغاني سرې میاشتې عمومي رئیس شیخ‌ الحدیث شهاب‌ الدین دلاور په افغانستان کې د ملګرو ملتونو د ځانګړې استازې له مرستیال او د بشري مرستو له همغږي کوونکي برونو. . .

BACK TO NEWS