کابل کې د پرون په تعقیب د افغاني سرې میاشتې له لوري ۲۰۰ نورو اړمنو کورنیو ته مرسته وویشل شوه!
نن د روان ۱۴۰۰ لمریز کال د مرغومي پر ۱۱مه په کابل ولایت کې د افغاني سرې میاشتې له لوري له ۲۰۰ اړمنو کونډو، یتیمانو، معلولینو او بې سرپرسته کورنیو سره د خوراکي او غیر خوراکي توکو مرسته وشوه.
یاده مرسته چې د سعودي عربستان د ملک سلمان د خیریه بنسټ له لوري افغاني سرې میاشتې ته سپارل شوې وه؛ په کې اوړه، بوره، غوړي، خرما، نخود، وریژې، د پخلنځي لوښي، فرش، ترپال، پشه خانه او یو شمېر نور توکي شامل دي.
کابل ولایت کې د ملک سلمان خیریه بنسټ له لوري چمتو شوې مرستې تر دا مهاله د افغاني سرې میاشتې له لوري ۸۰۰ کورنیو ته ویشل شوې دي.
