ښاغلی عرفان الله شرفزوی د سرې میاشتې د اطلاعاتو او خپرونو او محترم نورالحق یوسفي د بشري سرچینو د رئیسانو په توګه و ټاکل شول!
نن یکشنبه د روان ١٤٠٠ لمریز کال د لړم پر ۹ نیټې د افغاني سرې میاشتې ټولنې د سرپرست رئیس ښاغلي مولوي مطیع الحق خالص له حکم سره سم ښاغلی عرفان الله شرفزوی د اطلاعاتو او خپرونو د رئیس او ښاغلی نورالحق یوسفي د بشري سرچینو د رئیسان په توګه د عمومي رئیس د استازي ښاغلي شیخ یار محمد، د تفتیش د رئیس ښاغلي مولوي محمد نسیم احمدي او نړیوالو اړیکو د رئیس ښاغلي غلام حبیب حسام له لوري رسمأ معرفي شول.
غونډه د قرانکریم د څو آیتونو په تلاوت سره پیل او د عمومي ریاست د استازي ښاغلي شیخ یارمحمد او همدارنګه د تفتیش د رئیس ښاغلي مولوي محمد نسیم احمدي له لوري د آیت او احادیثو په رڼا کې حاضرینو او کارکوونکو ته په ورځنیو چارو کې د ښې همغږۍ او د زړه له کومي د همکاریو سپارښتنې وکړې او نوو ریسانو ته یې په ورځنیو چارو کې د بریاوو هیله وکړه.
