په هرات کې د څښاک د پاکو اوبو اووه پروژې ګټې اخیستنې ته و سپارل شوې!
د څښاک د پاکو اوبو او روغتیایي آسانتیاوو اووه«۷» ساختماني پروژې د روان ۱۳۹۹ لمریز کال د لړم پر ۲۵ نیټه د افغاني سرې میاشتې ټولنې د روغتیایي خدمتونو د ریس، په افغانستان کې د سره صلیب او سرې میاشتې د تړیوال فدراسیون د ریس او د هیواد د پوهنې وزارت د محترم پلاوي په حضور کې کټې اخیسنې ته وسپارل شوې.
د پاکو اوبو او روغتیایي آسانتیاوو له دغه پروژو څخه په ګټې اخیستنې سره به د هرات ولایت د ( میرویس شهید د نجونو لیسې، تجربوي لیسې، د بي بي خورشید لیسې، د عقاب کبابیان لیسې، ګرداب لیسې، قلعه حبیب او الوند هاشمي لیسو) د روغتیایي آسانتیاوو او څښاک د اوبو ډیری ستونزې هوارې شي.
د یادونې وړ ده چې دا لړۍ به تر راتلونو پنځو کلونو پورې دوام ولري؛ ترڅو د هیواد په بیلابیلو سیمو کې د
څښاک پاکو ابو ته د لاس رسي زمینه برابره شي.
