لوګر ولایت کې د افغاني سرې میاشتې له لوري له ۱۷۰ بېوزلو کورنیو سره د خوراکي توکو مرسته وشوه!
د لوګر ولایت په مرکز پلِ علم او اړوندو سیمو کې د افغاني سرې میاشتې له لوري نن د مرغومي پر ۱۲مه له ۱۷۰ بېوزلو کورنیو سره د خوراکي توکو مرسته وشوه. یاده مرسته د افغاني سرې میاشتې ټولنې د مرکزي سویل لویدیځ زون د رییس ښاغلي مولوي الیاس خېل ناصري او د سرې میاشتې د کارکوونکو او رضاکارانو په حضور کې ترسره شوه.
یاده مرسته چې د ترکيې هېواد د سرې میاشتې له لورې شوې ده؛ په کې هرې کورنۍ ته ۱۰ کیلو وریژې، ۵ کیلو لوبیا، ۵ لیتره غوړي، ۲ کیلو مکروني، ۲ کیلو مالګه، ۲ کیلو بوره او نیم کیلو شین چای شامل دي.
