قرغزستان هېواد افغاني سرې میاشتې ته ۱۲۰ ټنه د خوراکي توکو مرسته وسپارله

arcs_website_admin
یکشنبه ۱۴۰۳/۷/۸ - ۴:۲۴
خبرونه

قرغزستان هېواد افغاني سرې میاشتې ته ۱۲۰ ټنه د خوراکي توکو مرسته وسپارله
نن شنبه د ربیع الأول د میاشتې پر ۲۵مه، د قرغزستان هېواد ۱۲۰ ټنه د خوراکي توکو مرسته، چې ۹۰ ټنه اوړه، ۱۵ ټنه غوړي او ۱۵ ټنه بوره په کې شامله وه؛ په افغانستان کې د قرغزستان هېواد د سفیر ښاغلي جولچیف دانیار باقراویچ له لوري بلخ ولايت کې د شمال زون، نمایندګۍ او ولايتي مسٸولينو په شتون کې افغاني سرې میاشتې ته وسپارل شوه.
د مرستې د سپارلو په مراسمو کې د بلخ ولایت د مقام مرستیال ښاغلي نور الهادي ابو ادريس په خپلو څرګندونو کې د قرغزستان هېواد په ترسره کړې مرسته خوښي څرګنده کړه او زیاته یې کړه چې یاده مرسته به د سرې میاشتې لخوا د يوې شفافې پروسې له لارې پر اړمنو او بېوزلو وويشل شي.
ورپسې د افغاني سرې میاشتې د نمایندګۍ رئیس ښاغلي قاري محمد یونس معصومي هم په خبلو خبرو کې د یاد هېواد د خوراکي توکو د مرستې د مننې ترڅنګ د قرغزستان هېواد استازي او د بلخ ولایت مسؤلينو ته ډاډ ورکړ چې یاده مرسته به تر سروې وروسته په نږدې راتلونکي کې پر بېوزلو او اړمنو کورنيو ووېشي.
په پاې کې په افغانستان کې د یاد هېواد سفیر ښاغلي باقراویچ د افغاني سرې میاشتې خدمات وستایل، نوموړي زیاته کړه: " له افغان ولس سره د قرغزستان هېواد د خلکو مرستې به دوامداره وي او زمونږ هڅه داده، څو د اړمنو او بېوزلو افغانانو د لاسنيوي په برخه کې خپلې مرستې لا پراخې کړو".

تازه خبرونه

سه‌شنبه ۱۴۰۵/۸/۲۶ - ۶:۳۴
Background image

کندهار؛ پر ۵۰۰ زیانمنو کورنیو ۷.۵ میلیونه افغانۍ نغدي مرسته ووېشل شوه

دوشنبه، ۵ جمادی الآخره ۱۴۴۸

د افغاني سرې میاشتې له لوري د کندهار ولایت په سپین بولدک ولسوالۍ کې د جګړو له امله پر ۵۰۰ زیانمنو کورنیو ۷.۵ میلیونه افغانۍ نغدي مرسته ووېشل شوه.

دغه مرسته. . .

سه‌شنبه ۱۴۰۵/۸/۲۶ - ۵:۴۹
Background image

پروان؛ ۴۰ رضاکارانو ته د روغتیايي خدمتونو اووه ورځنی روزنیز ورکشاپ پای ته ورسېد

دوشنبه، ۵ جمادی الآخره ۱۴۴۸

د افغاني سرې میاشتې له لوري د پروان ولایت په کوه صافي ولسوالۍ کې ۴۰ نارینه او ښځینه رضاکارانو ته د روغتیايي خدمتونو اووه ورځنی روزنیز ورکشاپ د تصدیق پاڼو په. . .

سه‌شنبه ۱۴۰۵/۸/۲۶ - ۴:۴۶
Background image

کابل؛ یوناما له افغاني سرې میاشتې سره د بشري او روغتیايي همکاریو د پراختیا لپاره د همغږۍ پر دوام ټینګار وکړ

دوشنبه، ۵ جمادی الآخره ۱۴۴۸

د افغاني سرې میاشتې عمومي رئیس شیخ‌ الحدیث شهاب‌ الدین دلاور په افغانستان کې د ملګرو ملتونو د ځانګړې استازې له مرستیال او د بشري مرستو له همغږي کوونکي برونو. . .

BACK TO NEWS