د کابل مرستون نوی رییس معرفي شو!
د افغاني سرې میاشتې ټولنې د سرپرست رییس ښاغلي مولوي مطیع الحق خالص له ۴۱۶ حکم سره سم د روان ۱۴۰۰ لمریز کال د لړم پر ۲۶مه نېټه د ۱۳۴۳ هجری قمري کال د ربیع الثاني له ۱۱مې نېتې سره سم ښاغلي مغفور الله د داخلي تفتیش د رییس مولوي محمد نسیم احمدي، د بشری منابعو د رییس نورالحق یوسفي ، د اطلاعاتو او نشراتو د رییس عرفان الله شرفزوی ، د سرې میاشتې د ویاند نورآغا صاحب زاده او د کابل مرستون یوشمیر کارکونکو په شتون کې معرفي شو.
یاده معرفی غونډه د کلام اقدس الهي په مبارکو آیاتونو پیل شوه. ورپسې مولوي محمد نسیم احمدي د خپلو خبرو په ترڅ کی وویل "هر مسلمان د بل مسلمان ورور دی باید یو له بله سره په ورځنیو چارو کې مرسته او ريشتینولي ولرو ځکه پاک رب مخلص او ريښتيني خوښوي او د خبرو په ترڅ کې ېې نوي ګمارل شوي رییس ته د مبارکۍ ترڅنګ د بریاو غوښتنه وکړه.
