د ډنمارک سره صلیب د افغانستان لپاره نوی مسئول معرفي کړ!

arcs_website_admin
چهارشنبه ۱۴۰۳/۱۰/۲۶ - ۱۴:۴۴
خبرونه

د ډنمارک سره صلیب د افغانستان لپاره نوی مسئول معرفي کړ!

نن چهارشنبه د رجب د میاشتې پر ۱۴مه، په آسیا او اروپا کې د ډنمارک د سره صلیب د مشر ښاغلي فیبرس وانډيپيوټ له لوري د ډنمارک د سره صلیب په استازولۍ د افغاني سرې میاشتې رهبرۍ ته د افغانستان لپاره د ډي آر سي نوی مسئول ښاغلی محمد حسن الشمع معرفي شو.
په یاد مناسبت جوړه شوې ناسته کې د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور د ډنمارک د سره صلیب له لوري د شویو مرستو مننه وکړه او د هېواد په لرې پرتو سیمو کې یې د دوی روغتیايي مرستې مهمې او اغیزمنې یادې کړې او له دوی څخه یې د مرستو د پراختیا غوښتنه وکړه، دا راز نوموړي د ډي آر سي مشر ته ډاډ ورکړ، چې مرستې به یې په بشپړ شفافیت او رونټيا تر اړمنو او مستحقو کورنیو رسوي.
سربېره پر دې ښاغلي دلاور په خپلو څرګندونو کې د رواني ناروغانو د پالنې او درملنې د مرکزونو، مرستونونو او د دې خیریه ملي ټولنې د روغتیایي مرکزونو له لارې هېوادوالو ته د ترسره کېدونکو خدماتو په اړه هم راغلي پلاوي ته تفصیلي معلومات وړاندې کړل.
ورپسې په آسیا او اورپا کې د ډنمارک د سره صلیب مشر د افغاني سرې میاشتې خدمات د بنسټیزو اصولو له مخې د قدر او ستاینې وړ وبلل او د ګډ کار د دوام ژمنه یې وکړه. همدا ډول نوموړي ډاډ څرګند کړ، چې خپل خدمات به د اړمنو او بېوزله افغانانو اړتیاوو ته په کتو تنظیموي او دې برخه کې به خپلي هڅې جاري ساتي.

تازه خبرونه

پنجشنبه ۱۴۰۴/۳/۲۲ - ۱۴:۲۱
Background image

د سرپرست عمومي رئیس په مشرۍ اداري ناسته ترسره شوه

پنجشنبه، ١۵ ذوالحجه ۱۴۴۶
د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور  د مرکزي دفتر د يو شمېر مسٸولينو او  رئیسانو سره د املاکو او ودانيو د چارو د لا ښه والي،. . .

پنجشنبه ۱۴۰۴/۳/۲۲ - ۱۲:۴
Background image

بادغيس ولايت کې څه باندې ٩٨٠٠ تنه ناروغانو ته روغتیایي خدمات وړاندې شوي

پنجشنبه، ۱۵ ذوالحجه ۱۴۴۶

د ‎افغاني سرې میاشتې  روغتياپالانو د بادغيس ولايت په بېلابېلو سيمو کې د تېرو ۳۰ ورځو په اوږدو کې ٤٢٤٨ تنو ناروغانو ته د کتنې او اړتیا وړ درملو د ورکړې ترڅنګ. . .

یکشنبه ۱۴۰۴/۳/۱۸ - ۲۰:۵۶
Background image

لوګر کې پر اړمنو او بې وزله کورنیو غوښه ووېشل شوه

یکشنبه، ۱۱ ذو الحجه ۱۴۴۶
د افغاني سرې میاشتې له لوري د ترکیې هېواد د سرې میاشتې په مالي مرسته د لوى اختر په مناسبت د لوګر ولایت په مرکز پل علم کې پر ۱۰۰۰ اړمنو او بې وزله کورنیو د. . .

BACK TO NEWS