د افغاني سرې میاشتې ټولنې سرپرست رییس د ترکیې هېواد د حوادثو د ادارې له استازي سره لیدنه وکړه!

Website_admin
سه‌شنبه ۱۴۰۰/۹/۹ - ۱۵:۲۹
سرپرست جمعیت هلال احمر افغانی با رئیس حوادث کشور ترکیه ملاقات نمود!

د روان ۱۴۰۰ هجري لمریز کال د لیندۍ پر ۹مه نېټه د افغاني سرې میاشتې ټولنې سرپرست رییس ښاغلي مولوي مطیع الحق خالص د ترکيې هېواد د حوادثو د نړیوالې ادارې له استازي ښاغلي برهان اسلان او په افغانستان کې د ترکيې د سرې میاشتې استازي فرید احمد ضیا سره په خپل کاري دفتر کې لیدنه ترسره کړه.

په دې لیدنه کې د سرې مياشتې عمومي رییس د ترکيې له سرې میاشتې څخه مننه وکړه، چې د افغانانو لاسنیوی کوي. نوموړي همدا راز وویل، چې «مونږ تل کوښښ کوو، چې د ترکيې له سرې میاشتې سره په پوره رښتینولۍ د یو بل لاسنیوی وکړو او دا کار بشپړې همغږۍ ته اړتیا لري، چې مونږ يې ډاډ درکوو» نوموړي وویل، چې د ترکيې دوست هېواد له افغانانو سره ډېر مشترکات لري او تل یې د افغانانو لاسنیوی کړی.

متقابلاً ښاغلي برهان اسلان د ترکيې هیواد د حوادثو ادارې استازي وویل، مونږ خوښ یو، چې تل مو د افغاني سرې میاشتې ټولنې سره د هېوادوالو په لاسنیوي او مرستو کې ګډ کار کړی او د یو او بل لاسنیوی مو کړی.

نوموړي وویل د ترکيې هېواد غواړي له افغانستان سره په راتلونکي کې مرستې ترسره کړي، مونږ خوښ یو، چې امنیتي وضعیت تر پخوا ډېر ښه دی او د افغانستان هرې سيمې ته د مرستو رسولو امکانات اوس مهال ډېر ښه شوي دي او په همدې اړه مو د ترکيې هېواد ټولو موسساتو ته ډاډ ورکړی. نوموړي وویل مونږ غواړو، چې  د دواړو هېوادونو د سرو میاشتو همغږۍ او ګډ کار ته لا وده ورکړو. نوموړي وویل مونږ ددې لپاره افغانستان ته راغلي یو، چې د افغانستان د بېوزلو وګړو جاج واخلو او د ترکيې د حکومت او خیریه ټولنو مخه افغانستان ته ډېره کړو.

د افغاني سرې میاشتې ټولنې سرپرست رییس مولوي مطیع الحق خالص وویل، چې د پاک رب څخه تل شکرګزار یو، چې هېواد ته سوله او امنیت راغلی او ټولې خیریه ټولنې کولای شي په پوره ډاډ خپلې مرستې ترسره کړي، مونږ د نړۍ په تولو خیریه بنسټونو او ټولنو غږ کوو چې له روان امنیتي وضعیت څخه په ګټه اخستنې په افغانستان کې خپل خیریه فعالیتونه پیل او پراخ کړي.

تازه خبرونه

شنبه ۱۴۰۰/۱۱/۲ - ۱۴:۱۵
Background image

هرات کې د افغاني سرې میاشتې له لوري له ۵۰۰ کورنیو سره د خوراکي توکو مرسته وشوه

د افغاني سرې میاشتې له لوري روانه اونې د هرات ولایت په پښتون زرغون ولسوالۍ کې ۵۰۰ وچکالۍ ځپلو کورنیو سره د خوراکي توکو مرسته وشوه. په یاده مرسته کې ۵۰ کیلو اوړه، ۲۴.۵ کیلو وریژې، ۱۰ لیت. . .

شنبه ۱۴۰۰/۱۱/۲ - ۱۳:۵۹
Background image

سمنګان کې د افغاني سرې میاشتې له لوري ۶۴۰ کورنیو ته مرسته وویشل شوه

نن د جمعې په ورځ د روان ۱۴۰۰ لمریز کال د سلواغې پر لومړۍ نېټه د افغاني سرې میاشتې له لوري د سمنګان ولایت د مرکز ایبک اړوند د جوی زندان، صوفي کلا، اجمیلي، منګتاش، حسن خېل، ګل قشلاق او. . .

BACK TO NEWS