د افغاني سرې میاشتې سرپرست عمومي ریس په خپل کاري دفتر کي له ځینو ریسانو سره وکتل
نن چهارشنبه د محرم الحرام د میاشتې پر ۱۱ مه، د افغاني سرې میاشتې سرپرست عمومي رئیس ښاغلي شـ.ـيـ.ـخ الحـ.ـ.ـديث شـ.ـ.ـهـاب الـ.ـ.ـدين دلاور د مرکز د بېلابېلو برخو له رئیسانو سره د کارونو د ښه والي په تړاو د مرکزي رياست د غونډو په تالار کې ناسته ترسره کړه.
ناسته چې د قرانکریم د څو مبارکو ایتونو په تلاوت سره پيل شوه، ورپسې د افغاني سرې مياشتې سرپرست عمومي رئیس مسؤولینو ته کارونو کې پر صداقت او ریښتینولۍ ټینګار وکړ او په بېلا بېلو برخو کې یې له دوى څخه د کارونو د ګړندیتوب او لا ښه والي په موخه نظرونه واخیستل.
ورپسې رئیسانو د خپلو اړوندو مسؤولیتونو او کړنو په تړاو د خپلو راپورونو د وړاندې کولو ترڅنګ په ننګرهار ولايت کې د وروستيو سختو بارانونو او طوفان له امله زيانمنو شويو هېوادوالو ته د بېړنيو مرستو رسولو او د دوى د لاسنيوي په برخه کې هر اړخيز بحث ترسره او لازمې پرېکړې وشوې.
