د افغاني سرې میاشتې سرپرست سکرتر جنرال د نړیوال سره صلیب د همکاریو له مسئول سره د راستنېدونکو کډوالو لپاره د مرستو برابرولو په موخه وکتل!
د افغاني سرې میاشتې سرپرست سکرتر جنرال د نړیوال سره صلیب د همکاریو له مسئول سره د راستنېدونکو کډوالو لپاره د مرستو برابرولو په موخه وکتل!
نن سه شنبه د رمضان میاشتې پر ۱۸مه، د افغاني سرې میاشتې سرپرست سکرتر جنرال ښاغلي مولوي روح الله عبدالسلام په افغانستان کې د سره صليب نړيوالې کمېټې د همکاریو له مسئول ښاغلي ربیع الفقیه سره هېواد ته د راستنېدونکو کډوالو د لاسنيوي او ستراتېژيک پلان برخه کې د همکارۍ په تړاو ناسته وکړه.
ناسته کې ښاغلي عبدالسلام د ګډو فعاليتونو پر مهال د سره صلیب نړيوالې کمېټې له هر اړخیزې همکارۍ او همغږۍ څخه د مننې ترڅنګ د افغاني سرې میاشتې په ستراتېژيک پلان کې د مرستې او همغږۍ او راستنېدونکو کډوالو ته د بېړنیو او اړینو مرستو برابرولو غوښتنه وکړه.
ورپسې په افغانستان کې د سره صليب نړيوالې کمېټې د همکاریو مسئول له افغاني سرې میاشتې سره د همکاريو د دوام ډاډ څرګند کړ او راستنېدونکو کډوالو ته د مرستو برابرولو سربېره يې د څښاک لپاره د پاکو اوبو برخه کې د همکارۍ ژمنه هم وکړه.
