د افغاني سرې مياشتې او چين د سره صليب ترمنځ د همغږۍ پر پياوړتيا خبرې وشوې
د افغاني سرې مياشتې او چين د سره صليب ترمنځ د همغږۍ پر پياوړتيا خبرې وشوې
د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور او د نوموړي مرستیال ښاغلي الحافظ عزیز الرحمن چین ته د خپل رسمي سفر په ترڅ کې نن شنبه د جمادي الأولی د میاشتې پر ۲۸ مه، په سوژو ښار کې د یاد هېواد د سره صلیب له مرستیال سره وکتل.
ناسته کې د افغاني سرې میاشتې سرپرست عمومي رئیس او مرستیال د چین هېواد د سره صلیب له مرستیال سره د دواړو هېوادونو ترمنځ د همکاریو په پیاوړتیا، د بشري مرستو پر اغېزمنتیا او په بېړنیو حالاتو کې د ګټورو تجربو پر شریکولو بحث او خبرې وکړې.
د ناستې په پای کې د چین د سره صلیب مرستیال ژمنه وکړه، چې له افغاني سرې میاشتې سره به خپلو همکاريو ته دوام ورکوي او ددې خيريه ملي ټولنې سره به خپلې بشري مرستې لا زياتې کړي.
