پروان؛ یوې داخلي مشمولې کورنۍ ته د غیر خوراکي توکو مرسته ورکړل شوه
دوشنبه، ۳ ربیع الأول ۱۴۴۸
د افغاني سرې میاشتې له لوري د پروان ولایت په مرستون کې یوې داخلي مشمولې کورنۍ ته د غیر خوراکي توکو مرسته ورکړل شوه.
په دغې مرستې کې شپږ کمپلې، شپږ توشکې، شپږ بالښتونه، یو فرش، یو یخچال، یوه بادپکه، دوه د ګازو ډبې او د پخلنځي د توکو یو سیټ شامل وو.
دغه مرسته د لومړنیو اړتیاوو د پوره کولو په موخه یادې کورنۍ ته ورکړل شوه.
افغاني سره میاشت د خپلو شته امکاناتو له مخې له اړمنو مشمولینو کورنیو سره د هغوی د لومړنیو اړتیاوو د پوره کولو لپاره بشري مرستې کوي.
