هرات؛ پر ۳۲۱ راستنو شویو کورنیو څه باندې ۳.۳ میلیونه افغانۍ نغدي مرسته ووېشل شوه
پنجشنبه، ۱۳ ربیع الأول ۱۴۴۸
د افغاني سرې میاشتې له لوري د هرات ولایت د کرخ ولسوالۍ او د هرات ښار د يوولسمې او پنځلسمې ناحیو پر ۳۲۱ راستنو شویو کډوالو کورنیو ۳ میلیونه، ۳۷۰ زره او ۵۰۰ افغانۍ نغدي مرسته ووېشل شوه.
دغه مرسته د ملي ټولنو نړیوال فدراسیون په ملاتړ چمتو شوې وه، چې له مخې یې هرې کورنۍ ۱۰ زره او ۵۰۰ افغانۍ ترلاسه کړې.
یاده نغدي مرسته د راستنو شویو کورنیو د لومړنیو اړتیاوو د پوره کولو او د اساسي ستونزو د را کمولو په موخه ترسره شوه.
افغاني سره میاشت د خپلو بشري پروګرامونو له لارې هڅه کوي، چې راستنو شویو کورنیو ته پر وخت مرستې ورسوي او د هغوی لومړنۍ اړتیاوې پوره کړي.
