د کارموندنې خبرتیا!

د دندې عنوان: داخله ډاکټر

اړونده اداره: د افغاني سرې میاشتې ټولنه

د دندې ځای: بلخ

د بست ډول: رسمي، درېیم بست

د بستونو شمېر: ۱

جنسیت: ذکور

کاري وخت: پوره ورځ

د معاش کچه: د افغاني سرې میاشتې د معاشونو له تګلارې سره سم

د بست کوډ نمبر : HR@0270

د اسنادو د استولو وروستۍ نېټه:

١۴۴۸/۱/۲۱

۱۴۰۵/۴/۱۶

2026/7/July

موخه: 

د افغاني سرې میاشتې ټولنې د ثابتو روغتیایي کلینیکونو په کچه روغتیایي چارې تنظیمول.

دندې او مسؤولیتونه:

لومړی: کاري پلان ترتیبول او اړوند پورته مسؤول ته په میاشتني، درې میاشتني (ربعوار) او کلني ډول د ټولو کړنو راپور ورکول.

دویم: د ګټه اخستونکو رضایت ترلاسه کول.

دریم: غوره کیفیت لرونکي روغتیایي خدمتونه وړاندې کول.

څلورم: د کلینیک له کړنو څخه اړوند څانګې ته راپور ورکول او پر خپل وخت اړین درمل غوښتل.

پنځم: د مشمولینو روغتيايي اړتياوې تشخيصول، ارزول او پر بنسټ یې اړین درمل چمتو کول یا پېرل.

شپږم: د افغانی سرې میاشتې ټولنې اړوند روغتیايي مسؤولینو سره په پرلپسې توګه اړیکه نیول.

اووم: د افغانی سرې میاشتې ټولنې د اصولو او ارزښتونو په پام کې نیولو سره د روغتیایي مرکزونو د ځان بساینې په موخه پروژوي پلانونه وړاندې کول.

اتم: له اړونده ټاکلې بودیجې سره سم د روغتیایي کړنو لپاره کلنی پلان جوړول او پلي کول.

نهم: په پرلپسې توګه د ښځینه ناروغو مشمولینو لیدنه کول.

لسم: له خوراک مخکې او وروسته خوارکي توکي کتل (ملاحظه) کول.

یوولسم: د هېواد نافذه قوانینو، د افغاني سرې میاشتې ټولنې قانون، اساسنامې او د افغاني سرې میاشتې ټولنې ټولو لائحو او کړنلارو ته پاملرنه او پابندي کول.

دولسم: په اړوندو برخو کې د ستونزو د حل په موخه پورته مسؤول ته مفیدې مشورې ورکول.

دیارلسم: د مراتبو سلسلو ته پاملرنه کول.

څوارلسم: حاضرۍ ته جدي پابندي کول.

پنځلسم: له مراجعینو او کارکوونکو سره غوره اخلاق او ښه چلند کول.

شپاړسم: د افغاني سرې میاشتې ټولنې د قانون، د بشري سرچینو د ریاست د کړنلارې او شریعت مطابق ټولو هغو اړوندو کاري دندو چې د اړوند آمر یا رئیس له لوري یې لارښوونه کېږي؛ کاري چارې سرته رسول.

اولسم: اداري رازونه ساتل.

اتلسم: د خپل مسؤولیت د موخو او راتلونکو کړنو د لاغوره پلي کیدو او لاسته راوړنو په موخه؛ نوښتونه رامنځته کول او اړین تصمیمونه نیول.

نولسم: د حجاب په شمول ټولو دیني مسائلو ته په عملي توګه جدي پاملرنه کول.

شلم: د ښو لاسته راوړنو په موخه د ترلاس لاندې کارکوونکو ټولې ورسپارل شوې کړنې تعقیبول، څارل او ارزول.

یوویشتم: د اړونده څانګې ټولو وسائلو ( توکو او عراده جاتو) څخه معقوله ګټه اخیستل او ساتل.

دوه ویشتم: دا لائحه له منظورۍ وروسته د اجرا وړ ده، خو وروستۍ نده؛ د اړتیا په صورت کې زیادت، کمښت، لنډښت، الغاء او تعدیل پکې راتلای شي.

د دندې شرایط:

د معالجوي طب په برخه کې لږ تر لږه د لیسانس سند درلودل؛ په یاده برخه/ رشته کې د لوړې تحصیلي درجې لرونکو ته لومړیتوب ورکول کېږي.

د دندې اړوند لږ تر لږه یو (1) کلنه کاري تجربه درلودل.

د عامې روغتیا وزارت د ایګزېټ (Exit) ازموینې سند درلودل شرط دي.

په رسمي ژبو (پښتو او دري) پوهېدل او په انګلیسي ژبه د لیکلو او خبرو کولو وړتیا درلودل.

په دندې پورې اړوند کمپیوټري پروګرامونو برخه کې لازم مهارتونه درلودل.

ګرانو کاندیدانو!

د خپلو تعلیمي سندونو ( سي وي/لنډیز، تعلیمي اسنادو، کاري تخنیکي تجربو تصدیقونه او تذکره) پي ډي اف بڼه لاندې برېښنا لیک ته د ثبت په موخه و استوئ.

برېښنا لیک:

hr@arcs.af

د اړیکې شمېره: ‪‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬

0701436832

یادونه: دندې ته د نوم لیکنې او اېمېل آدرس د رالېږلو پر مهال، د اړونده بست عنوان او کوډ نمبر لیکل اړین او نا تکمیله اسناد د منلو وړ نه دي.