غزني کې د ورښتونو زیانمنې ۵۱ کورنۍ له بېړنۍ مرستې برخمنې شوې
پنجشنبه، ۲۹ شوال ۱۴۴۷
د وروستیو ورښتونو له امله په غزني ولایت کې ۵۱ زیانمنې کورنۍ د افغاني سرې میاشتې د بېړنۍ بشري مرستې برخمنې شوې.
دغه مرسته د غزني ولايت د مرکز (غزني ښار) ترڅنګ په اووه ولسوالیو(جغتو، واعظ، خوګیاڼي، خواجه عمري، ګیرو، اندړ او قره باغ) کې پر زیانمنو کورنیو ووېشل شوه، چې له مخې يې هرې کورنۍ ته ۷ کمپلې، ۱ ترپال، د پخلنځي د توکو یو سیټ او ۲ د اوبو بوشکې ورکړل شوې.
همدارنګه، هغو ۲۶ کورنیو ته چې کورونه یې په بشپړ ډول نړېدلي وو، يوه يوه خېمه هم ورکړل شوه.
افغاني سره میاشت د طبیعي پېښو پر مهال زیانمنو کورنیو ته پر وخت رسېدنه کوي او د هغوی د لومړنیو اړتیاوو د پوره کولو لپاره خپلې هڅې روانې ساتي.
