پروان؛ د ځوانانو او رضاکارانو ښوونیز مرکز کې د ۸۰ زده کوونکو میاشتنۍ آزموینه واخيستل شوه
چهارشنبه، ۱۶ شعبان ۱۴۴۷
د افغاني سرې میاشتې د پروان ولایت د ځوانانو او رضاکارانو په ښوونیز مرکز کې د کمپیوټر او لیک لوست برخو له ۸۰ تنو زده کوونکو څخه میاشتنۍ آزموینه واخیستل شوه.
د یادونې وړ ده، چې یاد ښوونیز مرکز کې اوسمهال شاوخوا ۷۰۰ تنه هغه زده کوونکي، چې په شخصي ښوونیزو مرکزونو کې د فیس ورکولو توان نه لري؛ په بېلابېلو برخو کې په وړیا ډول لنډمهاله زده کړې ترلاسه کوي.
افغاني سره میاشت هڅه کوي؛ څو د ښوونیزو مرکزونو له لارې اړمنو ځوانانو ته د مسلکي زده کړو زمینه برابره کړي او د هغوی د وړتیاوو د پیاوړتیا لپاره دوامدرې هڅې ترسره کړي.
