پکتیا کې د درې میلیونه افغانیو په ارزښت رغنیزې چارې بشپړې او ګټې اخیستنې ته وسپارل شوې
پنجشنبه، ۱۶ ربیع الآخر ۱۴۴۷
د افغاني سرې میاشتې له لوري د پکتیا ولایت په ډنډِ پټان ولسوالۍ کې د درې میلیونه افغانیو په ارزښت د کار په بدل کې د پیسو د ورکړې پروژه، چې موخه یې د ۲۹۲ مترو په اندازه د کانالونو کیندل، د ۳۸ کارېزونو پاک کاري، د ۳۱ مترو په اندازه د اساسي او معیاري سیفون او درې پلچکونو جوړول وو؛ د یوې میاشتې په ترڅ کې بشپړه او رغنیزې چارې يې ګټې اخیستنې ته وسپارل شوې.
په دې پروژه کې ۱۲۵ تنو مسلکي او غیر مسلکي کارګرو ته د کار زمینه برابره شوې وه، چې په کې هر مسلکي کارګر ته په ورځني ډول ۸۰۰ او هر غیر مسلکي کارګر ته په ورځني ډول ۴۰۰ افغانۍ ورکړل شوې.
