زابل او ارزګان کې ۸۰ تنو رضاکارانو ته د لومړنیو روغتیایي مرستو بستې ورکړل شوې
شنبه، ۲۹ صَفَر ۱۴۴۷
د افغاني سرې میاشتې له لوري د ارزګان ولایت مرکز ترینکوټ د یو شمېر سیمو ۴۰ تنو او همدا راز، د زابل ولایت مرکز کلات ښار د یوې لرې پرتې سیمې ۴۰ تنو فعالو او مسلکي رضاکارانو ته د لومړنیو روغتیایي مرستو ۸۰ بستې ورکړل شوې.
په هره روغتیايي بسته کې پلاسترونه، پايوډین، د ټپونو پټۍ، صابون، دستکشې او نور اړین توکي شامل وه، څو رضاکاران ترې په خپلو اړونده سیمو کې د اړتیا پر وخت زیانمنو ته د لومړنیو روغتیايي مرستو د رسولو برخه کې ګټه واخلي.
