په تیره یوه میاشت کې د افغاني سرې میاشتې له لوري په لوګر ولایت کې بیلابیل روغتیایي خدمتونه ترسره شوي دي
افغاني سرې میاشتې په تېرو ۳۰ ورځو کې د خپل ګرځنده روغتیایي ټیم، ثابت کلینیک او فرعی کلینیک پر مټ د لوګر ولایت په بېلابېلو سیمو کې ۱۰۵۵۷ تنو ناروغانو ته روغتیایي خدمات ترسره کړي.
د یادو ناروغانو له جملې د ۴۰۶۳ تنه داخله ناروغانو معاینات او درملنه شوې، ۳۰۷ مېرمنو ته له زېږون وړاندې او وروسته معاینات ترسره شوي، ۷۰۴ مېرمنو او ماشومانو ته مختلف واکسینونه تطبیق شوي، د ۱۱۰ ټپیانو پانسمان شوی، ۲۰۲ مېرمنو ته د کورني تنظیم په اړه پوهاوی ورکړل شوی، ۸۹۹ خوارځواکو ماشومانو ته د ځانګړو خوراکي توکو د ورکړې ترڅنګ ۴۲۷۲ تنو ته د روغتیا ساتنې په برخه کې عامه پوهاوی هم ورکړل شوی.
