هرات!
نن د دوشنبې په ورځ د ربیع الاول پر ۲۴مه، د ملک سلمان خیریه بنسټ له لوري د هرات ولایت د زنده جان ولسوالۍ د زلزله ځپلو کورنیو سره د مرستې په موخه افغاني سرې میاشتې ته د دوه میلیونه ډالرو په ارزښت د ۱۵۷۵۰ خوراکي بستو له جملې ۲۲۵۰ بستې دبېلابېلو خوراکي توکو مرسته وسپارل شوه.د یادې مرستې د سپارلو پر مهال په عملیاتي چارو کې د افغاني سرې میاشتې د سکرتر جنرال مرستیال ښاغلي مولوي عبدالطيف ثابت وویل، له ملک سلمان خیریه بنسټ څخه مننه کو چې تل یې په ستونزمنو حالاتوکې د اړمنو هیوادوالو لاسنیوی کړﺉ او د افغاني سرې میاشتې له لارې يې خپلې مرستې تر اړمنو رسولې دي. د یادونې وړ ده چې په هره خوراکي بسته کې ۶۲ کیلو بېلابېل خوراکي توګي شامل دي.
