د آلمان د سولې کلي موسسې افغاني سرې میاشتې ته ۲۰۰۰ خوراکي بستې مرسته وسپارله!
نن د روان ۱۴۰۰ هجري لمريز کال د لېندۍ پر ۲۰مه نېټه، چې د ۱۴۴۳ میلادي کال د جمادی الاول له ۶مې نېټې سره سمون لري، د افغاني سرې میاشتې ټولنې عمومي مرستیال ښاغلي ملا نورالدین ترابي د آلمان هېواد د سولې کلي د موسسې له استازو کلودي پيپمولر او میرمن جانجیسین سره په خپل کاري دفتر کې ليدنه ترسره کړه .
په دې لیدنه کې د افغاني سرې مياشتې عمومي مرستیال د آلمان د سولې کلې استازو ته د ښه راغلاست ترڅنګ د آلمان د سولې کلي د ډاکټرانو او په کابل کې د مرستندوی ټیم څخه، چې څه له پاسه ۳۵ کاله راپدېخوا د ماتوهډوکو او پرسختې سوزیدنې د اخته ماشومانو په درملنه کې يې زیار ویستلی او تر اوسه ېې له لس زره زیاتو ماشومانو درملنه کړې ده مننه وکړه .
همدا راز د سرې میاشتې عمومي مرستیال د آلمان د سولې کلي د موسسې د وروستیو ۲۰۰۰ خوراکي توکو پکېج چې د بېوزله هېواد والو د لاسنيوی په موخه یې ترسه کړی هم مننه وکړه او دوی یې د نورو مرستو راجلبولو ته وهڅول .
بالمقابل د آلمان د سولې کلي موسسې استازو د ښاغلي ترابي صیب له مېلمه پالنې مننه وکړه او ډاډ يې ورکړ، چې مونږ به هڅه وکړو، چې په راتلونکي کې خپلو اړیکو او مرستو ته لا پراختیا ورکړو.
په پای کې د آلمان د سولې کلي د موسسې داستازو له لوري د مرسته شوو ۲۰۰۰ بسته خوراکي توکو سند محترم ترابي صیب ته وسپارل شو.
