پکتیکا
د افغاني سرې میاشتې له لوري نن د دوشنبې په ورځ د ربیع الثاني پر ۶مه د پکتیکا ولایت برمل ولسوالۍ کې د ۵۳۰ زلزله ځپلو کورونو د ترمیم د پروسې له ۲۲۳۸۶۶۶۶ افغانیو نغدي مرستې څخه د ۱۳۴۳۲۰۰۰ افغانیو نغدي مرسته وویشل شوه.
له یادې نننۍ ویشل شوې مرستې ۹۰ کورنیو ته ۴۴۰۰۰ افغانۍ ۱۶۶ کورنیو ته ۲۹۰۰۰ افغانۍ او ۲۷۴ کورنیو ته ۱۷۰۰۰ افغانۍ نغدي مرسته وویشل شوه. پاتې مرسته به هم پر همدغو کورنیو ډېر زر وویشل شي.
د یادې پروسې د تطبیق په موخه افغاني سرې میاشتې د انجینرانو، کارکوونکو او رضاکارانو استخدام هم ترسره کړی.
