د افغاني سرې میاشتې مرستیال د پکتیکا ولایت ګیان ولسوالۍ کې د زلزله ځپلو کورنیو لیدنه وکړه!
د افغاني سرې میاشتې مرستیال ملا نورالدین ترابي د ذوالقعدې پر ۳۰مه د پکتیکا ولایت ګیان ولسوالۍ کې د زلزله ځپلو کورنیو لیدنه وکړه. نوموړي زلزله ځپلو کورنیو سره ژمنه وکړه، چې د افغاني سرې میاشتې له لوري به پر شویو مرستو سربېره سبا ۵۰۰۰ زلزله ځپلو کورنیو ته نغدي مرسته ویشل پیل شي.
نوموړي وویل دوی به د شوې زلزلې له امله ړنګ شوي عام المنفعه ځایونه او توکي د نړیوالو مرستندویانو په ملاتړ بېرته ورغوي. نوموړي په سیمه کې د مرستو د تنظیم په موخه د جوړ شوي کمیسیون له مسوولینو سره هم لیدنه ترسره کړه او د زلزله ځپلو د اړتیاو ارزونه یې وکړه.
