د افغاني سرې میاشتې ټولنې سرپرست عمومي رییس د ترکیې د سرې میاشتې د وینې له بانک څخه لیدنه وکړه!
د شنبې په ورځ د روان ۱۴۰۱ لمریزکال د وري میاشتې پر ۲۷ مه نېټه چې د ۱۴۴۳ کال د روژې مبارکې میاشتې له ۱۵ مې نېټې سره سمون لري د افغاني سرې میاشتې ټولنې سرپرست رییس ښاغلي مولوي مطیع الحق خالص د خپل سفر په ترڅ کې د ترکیې د سرې میاشتې د وینې له بانک څخه، چې د محمد الفاتح جامع جومات ته څېرمه د ترکیې د سرې میاشتې له لوري جوړ شوی له نیږدې لیدنه وکړه.
په دې کتنه کې د ترکیې د سرې میاشتې د وینې د بانک مسوولینو د افغاني سرې میاشتې سرپرست عمومي رییس ته ښه راغلاست وویل.
په مقابل کې د افغاني سرې میاشتې سرپرست رییس د ترکیې د سرې میاشتې د کارکوونکو د دې غوره اقدام هرکلی وکړ او د اسلام مبارک دین له نظره یې پر ارزښت رڼا واچوله، نوموړي زیاته کړه، کله چې یو انسان له مرګه وژغورل شي داسې مثال لري لکه یو ټولنه یې، چې له مرګه ژغورلې وي.
