کونړ کې پر ۲۰۰ اړمنو کورنیو د روژې د میاشتې په مناسبت خُرما ووېشل شوه
شنبه، ۲۵ رمضان ۱۴۴۷
افغاني سرې میاشتې په کونړ ولایت کې پر ۲۰۰ اړمنو او بېوزله کورنیو د روژې د میاشتې په مناسبت ۱.۶ ټنه خُرما ووېشله.
ياده مرسته چې د ملک سلمان د بشري مرستو مرکز له لوري چمتو شوې وه، هرې کورنۍ ته ۸ کيلو خُرما ورکړل شوه.
دغه مرسته چې د روژې په مناسبت ترسره شوه، موخه یې په دې مبارکه میاشت کې د یادو کورنیو ملاتړ دی.
افغاني سره میاشت هڅه کوي چې د روژې په میاشت کې د بشري مرستو لړۍ لا پیاوړې او منظمه وساتي، څو د اړمنو کورنیو ستونزې تر یوې کچې راکمې شي.
