کونړ ولایت کې د افغاني سرې میاشتې ټولنې له لوري (۵۰۰) اړمنو کورنیو ته مرسته ووېشل شوه!
د شنبې په ورځ د روان ۱۴۰۰ لمریزکال د کب پر ۲۸ مه نېټه د افغاني سرې میاشتې ټولنې له لوري د کونړ ولایت اسمار ولسوالۍ ۵۰۰ اړمنو او بېوزله کورنیو سره د خوراکي او غیر خوراکي توکو مرسته ترسره کړه.
یاده مرسته چې د ترکیې هېواد له لوري چمتو شوې وه هرې کورنۍ ته په کې ۵۰ کیلو اوړه، ۶ لیټره غوړي، ۱ قوطی کنسرلوبیا، ۱ قوطی کنسر نخود، ۶ کیلو وريژې، ۵ کیلو اومه نخود، ۱.۵ کیلو سیمیان، یوه کیلو مکرونی او غیر خوراکي توکو کې ۵ جوړه د ماشومانو دریشیانې، ۴ جوړه د نجونو جامې، ۵ جوړه دستکشې او ۱۳ جوړه جرابې شامل وو، دختیځ زون دهمغږۍ رییس ښاغلي میا حفیظ الدین( قمري) ، د نمایندګۍ رییس ښاغلي عصمت الله ( کمالي) او د ترکیې هېواد استازو په شتون کې ووېشل شول.
