کندز؛ ۵۰۰ اړمنې او راستنې شوې کورنۍ له ژمنیو مرستو برخمنې شوې

چهارشنبه، ۱ رمضان ۱۴۴۷
افغاني سرې میاشتې د کندز ولایت د مرکز اړوند د بېلابېلو ناحیو او چهار درې ولسوالۍ له ۵۰۰ اړمنو، بې سرپرستو او راستنو شوو کورنیو سره د ژمنیو توکو مرسته وکړه.
په مرسته کې هرې کورنۍ ته ۳ ژمنۍ بستې ورکړل شوې، چې د ماشومانو، نارینه او ښځینه وو جمپرونه، بنیانونه، دستکشې، جورابې، څادرونه، بوټان او یو شمېر نور د اړتیا وړ توکي پکې شامل وو.
دغه مرسته له یادو کورنیو سره د سړې هوا پر وړاندې د ځان ساتنې په موخه ترسره شوه.
افغاني سره میاشت د بشري مرستو له لارې هڅه کوي؛ څو له اړمنو، پېښځپلو او راستنو شوو هېوادوالو سره پر وخت مرسته وکړي او د هغوی د ژوند اساسي اړتیاوې تر یو حده پوره کړي.