کابل کې د پرون په تعقیب نن یو ځل بیا د افغاني سرې میاشتې له لوري ۲۰۰ اړمنو کورنیو ته مرسته وویشل شوه!
نن د روان ۱۴۰۰ لمریز کال د مرغومي پر ۹مه په کابل ولایت کې د افغاني سرې میاشتې له لوري له ۲۰۰ اړمنو کونډو، یتیمانو، معلولینو او بې سرپرسته کورنیو سره د خوراکي او غیر خوراکي توکو مرسته وشوه.
یاده مرسته چې د سعودي عربستان د ملک سلمان د خیریه بنسټ له لوري افغاني سرې میاشتې ته سپارل شوې وه؛ په کې اوړه، بوره، غوړي، خرما، نخود، وریژې، د پخلنځي لوښي، فرش، ترپال، پشه خانه او یو شمېر نور توکي شامل دي.
پرون هم کابل ولایت کې د افغاني سرې میاشتې له لوري ۲۰۰ کورنیو ته یاده مرسته ویشل شوې وه.
