کابل کې د افغاني سرې میاشتې ټولنې له لوري ۲۰۰ کورنیو ته مرسته ووېشل شوه!
نن یکشنبه د روان ۱۴۰۱ لمریزکال د وري میاشتې پر ۲۸ مه نېټه چې د ۱۴۴۳ کال د رمضان المبارک میاشتې له ۱۶ مې نېټې سره سمون لري، یو ځل بیا د تېرې ورځې د مرستې پر دوام کابل ولایت کې د افغاني سرې میاشتې ټولنې له لوري ۲۰۰ اړمنو او بېوزله کورنیو ته د آلمان د سولې کلي له لوري چمتو شوې د خوراکي توکو مرسته، چې هرې کورنۍ ته پکې ۵۰ کیلو اوړه، ۲۴.۵ کیلو وریژې، ۷ کیلو لوبیا، ۲ کیلو مالګه، ۷ کیلو نخود، ۷ کیلو دال، ۱۰ لیټره غوړي او ۵ کیلو بوره شامل و، ووېشل شول.
