کابل کې د افغاني سرې میاشتې له لوري ۲۲۵ کورنیو سره مرسته وشوه

نن د روان ۱۴۰۰ لمریز کال د مرغومي پر ۲۱مه نېټه د کابل ښار د ۱۳مې، ۱۵مې او ۱۷مې ناحیې ۲۲۵ اړمنو، کونډو، بېوزلو، او معلولینو له کورنیو سره د افغاني سرې میاشتې له لوري د نړیوال فدراسیون له خوا چمتو شوې مرسته وویشل شوه.

په یاده مرسته کې ۸ قلمه خوراکي مواد شامل دي، چې په کې ۵۰ کیلو اوړه، ۲۴.۵ کیلو وریژې، ۷ کیلو لوبیا، ۵ کیلو بوره، ۲ کیلو مالګه، ۱ کیلو چای، یوه قطعۍ BP۵ بسکوټ او ۱۰ لیتره غوړي شتون لري.

پر خوراکي مرسته سربېره یادو کورنیو ته ژمنۍ البسه هم وویشل شوه، چې په کې جمپرونه، جرابې، شال، پټو، بوټان، دستکشې او یو لړ نور توکي شامل دي.