کابل؛ فاریاب کې د افغاني سرې میاشتې پر ځمکه د پانګونې داوطلبۍ ترسره شوه
چهارشنبه، ۳ ذو الحجه ۱۴۴۷
د افغاني سرې میاشتې په مرکزي دفتر کې د فاریاب ولایت د میمنې ښار اړوند د ۲۰۴۰ متر مربع ځمکې د پانګونې په موخه د داوطلبۍ ناسته ترسره شوه.
دغه ناسته د تهیې او تدارکاتو آمریت له لوري تنظیم شوې وه، چې پکې څلورو ودانیزو شرکتونو ګډون کړی و.
ټاکل شوې ده، چې د اسنادو له ارزونې او کره کتنې وروسته به د شرایطو له مخې له ګټونکي شرکت سره د یادې ځمکې د پانګونې قرارداد لاسلیک شي.
افغاني سره میاشت د خپلو شتمنیو د اغېزمنې پانګونې له لارې هڅه کوي د بشري خدمتونو د پراختیا او مالي پیاوړتیا لپاره پایداره فرصتونه رامنځته کړي.
