کابل؛ د روغتیايي خدمتونو د پياوړتيا په موخه د روغتیاپالانو ښوونيز ورکشاپ پيل شو
دوشنبه، ۱۰ جمادي الآخر ۱۴۴۷
د افغاني سرې میاشتې اړوند د مرکز او ولایتونو روغتیاپالانو ته د روغتیايي خدمتونو د لا ښه والي او فعالیتونو ترسره کولو پر مهال ستونزو د حل په موخه دوه ورځنی ښوونيز ورکشاپ د افغاني سرې میاشتې د سکرتر جنرال عملیاتي مرستیال ښاغلي مولوي روح الله عبدالسلام په شتون کې پیل شو.
د ورکشاپ په پرانیسته کې ښاغلي عبدالسلام د افغاني سرې میاشتې د روغتیايي خدمتونو ارزښت ته په اشارې وویل، چې د روغتیايي کارکوونکو ګډې تجربې او همغږۍ د خدمتونو په اغېزمنتیا کې مهم رول لري. نوموړي ټینګار وکړ، چې له دې ورکشاپ څخه باید عظمي استفاده وشي؛ څو شته ستونزې حل او روغتیايي خدمتونه لا ښه شي.
یاد ورکشاپ کې به ګډونوالو سره د روغتیايي خدمتونو د ارزښت، شته ستونزو د حل او راتلونکي کې د اغېزمنو روغتیايي خدمتونو وړاندې کولو په اړه لازم معلومات شریک شي.
