پکتیکا
افغاني سرې میاشتې پکتیکا ولایت کې د زلزله ځپلو لاسنیوې ته لا هم دوام ورکړى، په همدې موخه د دوشنبه د جمادی الاولی په ۱۱مه د افغاني سرې میاشتې له لورې د پکتیکا ولایت د ګیان ولسوالۍ مختلفو کلیو کې ۵۰۰ زلزله ځپلو کورنیو سره د خوراکي توکو مرسته چې د ترکيي سرې مياشتې له لورې چمتو شوې وه، ترسره کړه. یاده مرسته کې هرې کورنۍ ته ۱۰ کیلو وریژې، ۵ کیلو لوبیا، ۵ لیتره غوړي، ۲ کیلو مکروني، ۲کیلو بوره، ۱ کیلو شین چای، ۸۰۰ ګرامه روب او درې پاکټه بیسکوټ شامل وو. د سیمې وګړو د افغاني سرې میاشتې له مرستو د ویش خوښي څرګنده کړه.
