ننګرهار کې له ۲۰۵ سېلاب ځپلو کورنیو سره څه باندې ۲.۱۵ میلیونه افغانۍ نغدي مرسته وشوه
یکشنبه، ۱۶ ذو القعده ۱۴۴۷
د افغاني سرې میاشتې له لوري د ننګرهار ولایت د حصارک او شېرزادو ولسوالیو ۲۰۵ سېلاب ځپلو کورنیو ته ۲۱۵۲۵۰۰ (دوه میلیونه، یو سل او دوه پنځوس زره او پنځه سوه) افغانۍ نغدي مرسته ووېشل شوه.
یاده مرسته د ډنمارک سره صلیب له لوري برابره شوې وه، چې له مخې یې هرې کورنۍ ته ۱۰۵۰۰ افغانۍ ورکړل شوې.
دغه مرسته د سېلاب ځپلو کورنیو د لومړنیو اړتیاوو د پوره کولو او د بشري همدردۍ د پیاوړتیا په موخه ترسره شوه.
افغاني سره میاشت ژمنه ده، چې د طبیعي پېښو له امله زیانمنو شویو کورنیو ته پر وخت مرستې ورسوي او د هغوی د لومړنیو اړتیاوو د پوره کولو په برخه کې خپل ملاتړ ته دوام ورکړي.
