پکتیکا
افغاني سرې میاشتې د پکتیکا ولایت په زلزله ځپلو سیمو کې د زلزله ځپلو وګړو لاسنیوی لا هم روان ساتلی. په همدې موخه نن د یکشنبې په ورځ د جمادی الاولی پر ۱۰مه افغاني سرې میاشتې د پکتیکا ولایت د برمل ولسوالۍ ډنګر لیګډ سیمه کې ۵۰۰ زلزله ځپلو کورنیو سره د خوراکي توکو مرسته وکړه. یاده مرسته چې د ترکیې هېواد د سرې میاشتې له لوري چمتو شوې وه، په کې هرې کورنۍ ته ۸ قلمه خوراکي توکي وویشل شول، چې په کې هرې کورنۍ ته ۱۰ کیلو وریژې،۵ کیلو لوبیا،۵ لیتره غوړي،۲ کیلو مکروني،۲ کیلو بوره، ۱ کیلو شین چای، ۸۰۰ ګرامه روب او ۳ پاکټه بیسکیټ شامل وو.
