پنجشیر!
افغاني سرې میاشتې د هېواد په لسګونو ولسوالیو کې له روغتیایي خدماتو بې برخې هېوادوالو ته د روغتیایي لاسنیوي په موخه په لرې پرتو سیمو کې ګرځند روغتیایي کلینیکونه ایجاد کړي. یادو سیمو کې یوه هم د پنجشیر ولایت د شتل ولسوالۍ د "کورابه" سیمه ده. په کورابه کې د افغاني سرې میاشتې ګرځند روغتیایي کلینیک په تېرو ۲ اونیو کې د ۴۸۴ ناروغانو کتنه کړې او دوی ته یې وړیا درمل ورکړي. همدا ډول یې ۷۳ ښځو او ماشومانو ته واکسین تطبیق کړي، ۷۵ تنو ته یې پانسمان او زرقیات تطبیق کړي، ۴۵۰ هېوادوالو ته یې د روغتیاساتنې او له ساري ناروغیو د ځان ساتنې په اړه پوهاوی او معلومات ورکړي، ۱۲ میندو ته یې له زېږون مخکې او وروسته خدمات ترسره کړي، ۳۰ میندو ته یې د مور او ماشوم د روغتیاساتنې په اړه خدمات کړي، ۲۲ تنو ته یې د کورنۍ د سالمې ساتنې په برخه کې خدمات ترسره کړي او ۱۲ پر سوء تغذي اخته ماشومانو ته یې درمل ورکړي.
